ALIYEIUA YANGA CCM KIRUMBA APATA ULAJII SAUZI

Mshambuliaji wa mbao fc aliye imaliza yanga na kuwapa homa mashabiki wa timu hiyo, mshambulizi, Habibu Kiyombo wa Mbao FC. Ameanza kutakiwa na timu za sauzi pamoja na morroco
Hii inatokana na mabao yake matatu aliyofunga katika mechi za Ligi Kuu Bara dhidi ya Yanga na Simba.
Tayari mmoja wa mawakala walio fasta ametuma video za mabao hayo matatu na anasema, inaonekana wamevutiwa ingawa kuna ugumu wa kutoa fedha.

“Nimetuma video zake, unajua nilianza kumfutilia baada ya kuifunga Simba bao zuri sana walipotoka 2-2. Lakini nimeona amerudia kufunga bao lenye ubora uleule.
“Kazi yangu ni kuhakikisha Tanzania ina wachezaji wengi wa kulipwa na nimekuwa nikifanya hivyo kwa kuwafuatilia wachezaji wengi,” alisema wakala huyo ambaye kaishawapeleka wachezaji kadhaa maarufu wa Tanzania na wengine wanacheza nje.
“Kama wataridhika naye na watakuwa na ofa nzuri, basi moja kwa moja nitaanza kuwasiliana na Mbao FC ili kumpa nafasi ya kwenda nje,” alisema.
Hata hivyo, wakala huyo hakutaka kuandikwa akidai angependa kufanya mambo yake kimyakimya hadi yatakapofikia wakati sahihi..